A sabi yu, as a tɔk yu dɔn vɛks, wan chans yu nɔ de gi mi fɔ se wetin de na mi chɛst
A sabi yu, wetin pipul dɛn gɛt fɔ se bɛtɛ pas yu pikin in pen
A sabi yu, a kin wan kam nia yu so bɔt yu se a de ambɔg yu, so?
A sabi yu, as yu adɔp, wok nɔ go wɛl, ɛnitin a tɔk naw na pwɛl
A sabi yu, a taya fɔ ɛxplen, bo, mi mama yu de kɔz mi bɛku pen
A sabi yu, as a tɛl yu di tru, yu se a disrɛspɛktful, bɔt mama a nɔ fityay yu
A sabi yu, nɔto ignɔ a de ignɔ, na fred a de fred yu
A sabi yu, yu nɔ kia bɔt mi, wetin na os, klos ɛn plenti it we mi spirit ɛmpti
A sabi yu, as yu kɔl mi so, mi at de kɔt, bɔdi de nav... 'wetin a dɔn du bak'
A sabi yu, mi ɛn yu fɔ wok as tim? bɔt mi at ful, wetin egen a fɔ tot fɔ yu
A sabi yu, yu nɔ de tray fɔ mek dis wok, yu jɔs de mek tings wɔs, yu want mek a listin to yu bɔt yu nɔ wan yɛri wetin a gɛ fɔ tɔk
A sabi yu, we a vɛks ɛn go naw, yu bigin kɔl lɛk natin nɔ apin
A sabi yu, as a kam sidɔn na pala so, yu bigin ala pan mi, aw mi na disapɔyntmɛnt, yu rigrɛt we yu bɔn
A sabi yu, a kɔmɔt na os, o naw yu mis mi? a min yu tɔk se mi ɛn yu nɔto padi!
A gi yu mi ɔltin, a cray fɔ yu te, ɛvri nɛt a de beg Gɔd mek ɔltin fayn bitwin yu ɛn mi, bɔt yu nɔ bi want dat so natin nɔ lɛf egen
A sabi yu, na bikɔz ɔf dat mek a de rɔn pa yu, wetin egen a fɔ du?
Isha Razak is a Sierra Leonean student based in the UK